Bulan Agustus 2016, Karirpad ngayakeun sukuran. Ieu pausahaan startup
anu pernahna di Slipi, Jakarta Barat teh keur meunang kabungah, sabab
jumlah anu ngadongdon situsna geus ngahontal 3 juta saban bulanna.
Padahal Karirpad kakara nincak umur 18 bulan.
Pikeun nu nyiar pagawean, Karirpad mibanda 45 rebu lowongan di sakuliah
Indonesia. Ku kituna Karirpad jadi Job Portal anu muka iklan lowongan
pagawean panglobana di Indonesia. Pikeun pausahaan, Karirpad nyadiakeun
e-Recruitment System. Ku eta sistim, pausahaan bisa ngawangun Career
Site kalayan lengkep jeung Candidate Database-na. Ku hal eta ka hareupna
pausahaan teu kudu gumantung kana Job Portal. “Tah, ku lantaran kitu nu
masang iklan lowongan di Karirpad teu dipungut biaya, margi nu
dipiharep ku sim kuring saparakanca tiap pausahaan teh lir ngagaduhan
Job Portal nyalira. Ku kituna, brand image pausahaan bakal tambih sae di
mata nu milari padamelan. Hal ieu teh kalintang pentingna kanggo
kamajuan pausahaan mah,” cek Chandra Ming, CEO Karirpad.
Ku haratisna masang iklan di Karirpad nya eta ayana otoritas pikeun
Karirpad nolak kana iklan lowongan anu fiktif atawa panipuan nu make
kedok lowongan. “Apan seueur pausahaan anu kitu teh narelepon ka kantor
ku lantaran iklanna teu ditayangkeun,” cek Indra Prasta, CMO Karirpad
anu kawentar jadi vokalisna The Rain, grup band anu geus 15 taun
makalangan di industri musik Indonesia.
Karirpad kacida nganuhunkeunana ka balarea, utamana ka tiap business
partner, ka nu nyaliar pagawean, ka saban pausahaan anu geus ngarojong
kana cita-cita anu diwangun ku Karirpad. Pikeun ka hareupna, Karirpad
bakal tetep renggenek kana niat awal, nya eta jadi cukang pikeun nu
nyaliar pagawean malar arinyana tinekanan meunang pagawean anu luyu
jeung harepanana. Pon nyakitu Karirpad oge jadi cukang pikeun tiap
pausahaan malar arinyana meunang karyawan anu hade.
Nu dipamrih ku Karirpad nya eta mudah-mudahan bisa ngarojong kana
karaharjaan bangsa Indonesia. Dirgahayu Republik Indonesia!
#AyoKerjaIndonesia, cenah
0 komentar:
Post a Comment